沪语儿歌

（一）

《有趣个菜名》

阿拉才是上海人，

上海闲话真好听。

菜场里厢兜一圈，

各种菜名讲得清。

白菜叫作黄芽菜，

玉米叫作珍珠米。

莴苣叫作香乌笋，

土豆叫作洋山芋。

西红柿，叫番茄，

茄子茄子叫落苏，

还有交关好小菜，

大家才来寻一寻。（二）老虎歌

山浪有只老虎，

老虎要吃人，

拿伊关辣笼子里。

笼子坏脱，

老虎逃脱，

逃到南京，逃到北京，买包糖精，

摆辣水里浸一浸，

密西密西拉胡琴

（三）《嘟嘟飞》

嘟嘟飞

嘟嘟飞，虫虫飞，

拍拍小手虫虫飞;

嘟嘟飞，虫虫飞，

扇扇翅膀虫虫飞;

嘟嘟飞，虫虫飞，

翻个跟斗虫虫飞;

嘟嘟飞，虫虫飞，

恭喜拜年虫虫飞。（四）《买糖粥》

笃笃笃，卖糖粥

三斤核桃四斤壳

吃弄额肉

还弄额壳

闹闹闹闹闹闹

（五）《称呼》

上海闲话真有趣，

称呼搭人家勿一样。

宝宝个妈妈叫姆妈，

姆妈个姆妈叫外婆，

姆妈个阿爸叫外公。

宝宝个爸爸叫阿爸，

阿爸个阿爸叫阿爷，

阿爸个姆妈叫阿奶。

上海闲话真有趣，

称呼搭人家勿一样。

（六）《打老虎》

本来要打万万记，

现在辰光来勿及，

马马虎虎打十记:

一、两、三、四、五、六、七、八、九，十。

打了十记还勿够，

还要打三记:

一、两、三。

山上有只老虎，

老虎关勒笼子里;

笼子坏脱，老虎逃脱;

逃到南京，买包糖精，摆勒水里浸一浸，美国赤佬嘎胡琴，咕嘎咕嘎咕嘎（七）《上海小吃》

上海小吃

上海小吃花样多,

大饼油条小笼包,

咸浆锅贴肉馒头,

老虎脚爪粢饭糕，

粢饭炝饼小馄饨，

吃好今朝想明朝

（八）《姓氏歌》

侬姓撒无姓黄

撒额黄草头黄

撒额草青草

撒额青鼻头青

撒额笔毛笔

撒额毛三毛

撒额三高三

撒额高年糕

撒额年。。。2013年。。。

小三子，

拉车子，

一拉拉到陆家嘴。

拾着一包香瓜子，

炒炒一锅子，

吃吃一肚子，

拆拆一裤子，

到黄浦江边解裤子，

拨拉红头阿三看见仔，

拖到巡捕行里罚角子。

从前有座山，叫黄昆山;

山浪有条路，叫叽哩咕噜;

路边有只庙，叫莫名其妙;

庙里有只缸，叫四大金刚;

身浪有把剑，叫看勿见;

来了两个官，一个叫笔套管，一个叫痰盂罐;……

。

啷啷啷,骑马到松江

摇摇摇,摇到外婆桥,

外婆叫我好宝宝。

月亮亮,家家小囡出来白相相……

一歇哭,

一歇笑,

两只眼睛开大炮。

一开开到城隍庙，

城隍老爷哈哈笑。

赖学精,

白相精,

书包掼辣屋头顶,

看见先生难为情!

从其有位老88

年纪8十8

乘了88路电车来到8仙桥

洋厘用特8百8十8块8角8分

隔壁宁家屋里头

交交关关小居头

阿杜阿腻阿三头一直排到阿八头名字叫得老噱头阿杜小头头

阿腻烂泥头

阿三洋葱头

阿四长杠头

阿五五香头

阿六咸菜头

阿七芋艿头

最好白相是阿八头嗦只橡皮奶奶头太阳照到床旺头一家宁家捂披头统统了生孽疖头人人才剃光榔头吃特三把盐炒头册特八泡无厘头

伊拉屋里爷老头有的一只杜鼻头国泰门口一嘎头打桩模子翻跟头杜鼻头会轧苗头生意碰碰起蓬头有了一眼花纸头乃么开始轻骨头中国银行开户头登了外头掼派头一眼眼路拦叉头香烟老酒过腻头难办发廊汰汰头顺便捏捏节节头

回到屋里耍滑头袋袋里厢扛拉头

伊拉娘叫兰花头恶型恶状翻行头跟伊拉爷别苗头杜鼻头常怕当寿头

怀疑伊了轧姘头吃饱老酒挥拳头对老伊额骷榔头

穷心穷恶一记头

兰花头伐是好无头

对准杜鼻头额下头

撩起来就是一脚头

杜鼻头，触霉头

痛了一个多号头

涅里外头避风头

亚里蹲了门口头

常怕回起收骨头

里革委里杜块头

电筒照老杜鼻头:

蒙伊是伐是贼骨头?

杜鼻头气得来瓜瓜抖: 杜块头，么清头

哈刚有啥额刚头!

乡挖宁

到上海

上海闲话刚勿来

密西密西炒咸菜

上海宁

到乡挖

乡挖事体做勿来

密西密西炒冷饭