上海话中带“脚”字的习惯用语

上海话中带“脚”字的习惯用语
仔细想想，上海言话里带“脚”的习语也不少。

比方讲，脚趾头，上海人叫“脚节头”。

膝盖，上海人叫“脚馒头”。

自行车，上海人叫“脚踏车”。

再比方讲，现在讲，“侬老潇洒嗰嘛”，这都是被叶倩文的那首《潇洒走一回》带过去的。

老早叫“侬日脚老好过嗰嘛”。

话说回来，这“日脚”是有出处的。

《吴下方言考》里讲，老底子，傍夜快，太阳照出来的长长的影子就叫“日脚”。

日脚日脚，就是日头的脚。

看到日脚，一日就过了。

有“日脚好过”，就有“日脚难过”。

啥辰光“日脚难过”？月底呀，下个号头工钿还没发，手头紧啊。

吃香烟朋友都晓得：月初“大前门”，月底“门前大”。

“大”，宁波话音“驼”，就是“捡拾”的意思。

穷到拾香烟屁股吃了，日脚难过否啊。

弯腰拾，还怕难看，竹竿上绑一根大头针，去戳。

这种做派又叫做“捉财积”。

与头相比，脚总归在下面。

档次提不高。

所以上海人讲“噱噱了头上，蹩蹩在脚上”。

出门头势要清爽，脚下头说不定穿拖鞋。

受此连累，什么蹩脚货落脚货下脚货垫脚货，都不是好物事。

1960年代，三年“自然”灾害辰光，交关人家下半日四五点钟等小菜场收摊，去买落脚货下脚货，甚至去拾菜帮子、黄叶菜，回来拣拣弄弄，也可以烧出一大碗。

由此延伸，上海人讲人作孽，叫“拾菜皮”朋友、“刮鱼鳞”朋友。

上海人讲究头势清爽，也讲究“手脚清爽”。

人家物事不好碰，公家物事不好拿，否则就是“手脚弗清爽”。

物事被别人动过了，也叫“做过手脚了”。

当然，设圈套也叫“做手脚”。

而画蛇添足，则叫做“多手脚”。

上海老师傅做生活，顶顶不欢喜旁人“多手脚”，而是欢喜自家一个人“一手一脚落”。

侬在旁边硬劲要“轧一脚”，老师傅就会讲，“侬搅啥脚筋啦”。

1970年代还曾衍化成“侬搅啥鸡脚啦”。

至于为啥是鸡脚而不是鸭脚，已无可稽考。

“轧一脚”还有一种意思，迹近现在的“劈腿”。

也对，两腿不劈开，一只脚也轧不到别处去。

这又让我想起另外一句“脚踏两头船”。

同理，两腿不劈开，也踏不成两只船。

刚刚讲到“脚筋”。

讲人“脚筋好”，既指脚力好，也喻“吃饱饭没事做”。

脚力好又叫“脚头硬”、“硬脚头”，特指足球运动员。

不过还是比喻“吃饱饭没事做”的多。

经常可以听到，“侬脚筋哪能吤好嗰啦，跑到吤远去买物事。

”
真正讲一个人脚力不好了，倒不讲“脚筋”，而讲“脚花”。

如：“侬看伊天天堂子里进出，身体侪淘空了，廿几岁的人，走路脚花也乱了。

”当然，“脚花乱”还指临事慌张，压不住阵脚。

上海人欢喜吃大煠蟹，于是也欢喜拿蟹脚来打比方。

“蟹脚”可以指狗腿子，帮闲。

所以在江湖上，“先扳忒伊嗰蟹脚”，有“清君侧”的意思。

胆子小，叫“软脚蟹”。

如：“还没踏进门，蟹脚先软了”。

老早还有一种讲法，叫“脚写字”，差不多的意思。

脚写字，蟹脚软怎么办？只有提前“滑脚”。

只有“独脚蟹”与真的蟹脚无关，是发（沪音粉）芽豆摆在盐水里煠一煠，或者炒咸菜。

这是上海人过老酒的好小菜。

带“脚”的习语，大多数意思都不大好。

讲一个人自由散漫，叫“脚头散”。

我老早坐过机关写字间。

年终考评，业务水平样样好，唯一缺点，就是“脚头散”，寻不着人。

这种现象也叫“脚痒”，还有“猢狲屁股”。

反正就是坐不牢，到处跑。

幸亏我后来混入了媒界，做记者，“猢狲屁股”“脚头散”，反而变成优点了。

“脚头散”的反义词是“脚头紧”。

老早在江湖上，若犯了一点事，巡捕房在到处找。

老大就会关照：“这两天脚头紧一眼，迓迓好。

”
“脚头紧”现在不大讲了，听不到了。

还有很多带“脚”的习语也听大不到了。

比方讲，买鞋子问尺寸，现在问，侬几码啊？老早叫“脚寸”，脚的尺寸。

现在寻人寻地方，都问地址。

“喂，留只地址下来。

”老早叫
“地脚名”。

现在叫外卖叫快递，产生的费用就叫外卖费快递费，不用付么叫“江浙沪包邮”。

老早叫“脚钿”。

现在家里旧沙发叫人拖出去，总归还是要搅落两个“脚钿”的嘛。

还有，“脚脚进”啥意思？不晓得了吧。

是得寸进尺的意思。

汏脚水老早还叫“脚汤水”呢，没听过吧。

回到带“脚”习语的贬义上来。

“听壁脚”，狠不上品。

没想到，现在的小品和电视剧，没有“听壁脚”，竟然统统编不下去了。

悲夫。

“戳壁脚”更加不灵光。

“拆墙脚”也是狠不上路的事体。

睏相不好叫“趴手趴脚”；自我膨胀叫“头重脚轻”；胡乱搭配叫“爹头娘脚”；走路不稳叫“脚高脚低”；事体穿帮叫“露马脚”；生气光火叫“双脚跳”；大大咧咧叫“大脚风”；雕虫小技叫“三脚猫”，也叫“猪头肉三不精”；慌忙应对叫“临时抱佛脚”；自寻烦恼叫“自搬石头自压脚”。

飞扬跋扈叫“脚翘黄天霸”。

老实讲，脚翘得高，翘到枱子上，适意是适意的。

不过不好被大人看到。

看到般要被骂的。

“侬脚翘黄天霸做啥”。

这句话的读音一直有争议。

大多数人最后一个字读“bao”音。

关于此事，我年轻时问过弄堂里的老爷叔的。

有一位是这样回答我的：黄天霸的父亲黄三太，江湖号称“南霸天”。

与贺兆雄、武万年、濮大勇合称“四霸天”。

是结拜兄弟。

而他们四家头的儿子黄天霸、贺天保、武天虬、濮天雕也是结拜兄弟，人称“小四霸天”。

要么后手来，黄天霸、贺天保读浑了？
有几句带“脚”习语狠有意思，要单独拎出来。

打相打叫“动手动脚”。

弄堂里经常听得到：“喂，朋友，有言话好讲，覅动手动脚。

”公共汽车上“动手动脚”，就是性骚扰了。

现在流行“装”，老早上海人叫“大脚装小脚”。

有酒量不喝，有钞票装穷，懂装不懂假谦虚，都叫“大脚装小脚”。

1970年代最流行“脚碰脚”。

“阿拉大家脚碰脚呀”，这句话为调和当年社会矛盾起了大作用。

那时阶级斗争为纲啊，知识分子、有铜钿人家要与工农兵相结合，就讲“阿拉大家脚碰脚呀”，这是为安
全。

基层群众读书少，见识不广，也讲“阿拉大家脚碰脚呀”，这是为藏拙。

“毛脚女婿”一词，听说是上海人的发明创造。

为啥准女婿叫“毛脚”？流传最广的版本是，毛头小伙子做事体毛手毛脚，第一次上门容易闯祸，闯了祸岂不是要吃“弹皮弓”？所以做丈人阿爸的，要大度，要宽容。

丈母娘是贱骨头，反正只要是个男的，总归越看越欢喜。

人死了，叫“一脚去”。

人生出来，如果不是头先出来，而是脚先出来，也有讲法，叫做“脚踏莲花生”。

“末脚煞”也狠好玩。

赛过“三连音”，因为“末”就是“脚”就是“煞”。

同义重复，语气很强。

如，“弄到末脚煞又不灵光了。

”
“赖脚皮”也有意思。

脚皮贴牢地皮，死活不肯走，此之谓“赖”，赛过现在的“钉子户”。

忙煞了，叫“脚也要掮起来了”。

现在统统改讲北方话，“脚打后脑勺”云云。

还有，老早好人家走出来的人，从来不赤脚的。

偶尔被看到没穿袜子，便尊他一声“赤脚大仙”。

我最欢喜上海人用“脚色”来形容人品与本事。

现在讲法，就是情商及动手能力。

弄堂里经常可以听到：“迭嗰小姑娘脚色真好，大起来把家嗰”。

教育自家小人，“哎，侬有眼脚色好否啊”。

宁波人讲“唔脚色”，就是没出息的意思了。

我最最不欢喜的一句带“脚”习语是“脚脚头”。

现在叫“杯中酒”，大家最后一口喝忒。

老早是迭能讲的：“来，大家侪只剩眼脚脚头了，吃吃忒拉倒”。

脚脚头，哪能吃得落手。