粤语童谣大全

落雨大，水浸街

阿哥担柴上街卖

阿嫂出街着花鞋

花鞋花袜花腰带

珍珠蝴蝶两边排

2）落雨大2

落雨大，冇浸街

阿嫂出街着花鞋

花鞋花袜花腰带

珍珠蝴蝶两边排

排排都有十二粒

粒粒圆亮冇疵瑕

解放之后翻咗身

各位先生莫见怪

3）落雨微微

落雨微微，

水浸田基，

田基有条蛇，

吓亲大老爷，

大老爷有支枪，

吓亲大姑娘，

大姑娘有粒糖,，

吓亲国民党。

4）月光光1

月光光，照地塘，

年卅晚，摘槟榔。

槟榔香，摘子姜，

子姜辣，买葡突（苦瓜）。葡突苦，买猪肚，

猪肚肥，买牛皮。

牛皮薄，买菱角，

菱角尖，买马鞭。

马鞭长，顶屋梁，

屋梁高，买张刀，

刀切菜，买箩盖，

箩盖圆，买只船。

船度有个番鬼仔，

嘻嘻笑到好好睇。

月光光，照地塘，

虾仔你乖乖瞓落床。听朝阿爸要捕鱼虾咯，阿嫲织网要织到天光。虾仔你快高长大咯，划船撒网就更在行。月光光，照地塘，

年卅晚，摘槟榔。

五谷丰收堆满仓咯，老老嫩嫩喜洋洋。

虾仔你快啲眯埋眼咯，一觉瞓到大天光。

6）月光光3

月光光,照地堂,

虾崽你乖乖瞓落床,

听朝阿妈要捕鱼虾啰,阿爷看牛要上山坡,

哦哦哦......

阿崽你快高长大啰,

帮手阿爷去看牛羊,

哦哦哦......

7）排排坐

排排坐,

吃果果,

猫衣担凳比姑婆坐,

坐烂个屎忽,

唔好赖我,

赖番隔离个二叔婆。

8）捉大贼

点指兵兵,

点指贼贼,

点着谁人做大兵,

点着谁人做大贼。

9）买荔枝

阿四，阿四，

攞条锁匙，

开个夹万，

攞两毫子，

买斤荔枝，

唔爱槐枝。

10）凼凼转

凼凼转，菊花园，

炒米饼，糯米团，

阿妈叫我睇龙般。

我唔睇，睇鸡仔，

鸡仔大，捉去卖，

卖得几多钱？

卖得五百钱，

卖得钱来起花园。

11）萝卜头

萝卜头，点豉油，

点得多，咸过头，

点得少，淡谋谋。

佢以为，好正斗，

点不知，俾人踢罗柚，一踢踢到西门口。

12）煮饭仔

煮饭仔仔先落米，

风炉透火柴对齐，

千其唔好咁拿西，

我哋係细蚊仔。

13）打马仔

一人骑角马，

两人骑猪乸，

三步要埋头，

撞到面就打。

14）斗辣椒

红辣椒，绿辣椒，

平时你镲嘴藐藐，

今日你无胆同我撩。

15）过天梯

过天梯，虾矮仔，

人在云东过到西，

唔怕米贵就最怕矮。16）做大戏

红面关公，

三国水浒乱晒龙，

打败清兵系英雄。

17）桂桂乖乖

妈妈去街街，

拉住乖桂桂。

妈妈要买鸡，

桂桂要买龟，

鸡大过龟，

龟细过鸡，

鸡平过龟，

龟贵过鸡。

鸡愣住龟，

龟咬住鸡。

妈妈拎住鸡鸡，

桂桂捧住龟龟。

妈妈赞乖乖桂桂，

桂桂话桂桂乖乖。

18）齐齐望过去

齐齐望过去，

清溪里有只青蛙想跳水。

齐齐望过去，

小屋里有只猪仔真有趣，

有只鹩哥，吱吱喳喳想驳嘴。齐齐望过去，

山窿里有只狮子竟饮醉。

齐齐望过去，

小屋里有只猫依捉老鼠。

齐齐望过去，

草堆里有只狗仔摆摆尾，

有只鸡仔揾到草蜢起势追。齐齐望过去，

公园里有只马骝好得意，

似晒你。

19）何家公鸡何家猜

真怪诞呀又有趣,

阿望望公园里,

有四百只公鷄

咯咯咯,

是何家都不知道,

何家公鸡何家猜,

何家小鸡何家猜,

何家公鸡何家猜,

何家母雞咯,咯,咯, 猴子哥哥熊先生，松鼠妹妹牛叔叔,

黃狗爸爸羊媽媽,

來猜來猜落。

20）鸡公仔

鸡公仔

尾趷趷，

带去外婆度做生日。阿公俾我一袋粽，阿婆俾我一袋桔。带距返屋企，

阿妈睇见笑到咳。鸡公仔，

尾婆娑，

朝朝打我门口过。鸡公未啼我起身，晨早复习好处多。唉声鸡公咪嘈我，等阵你再唱歌歌。

21）八月十五是中秋八月十五是中秋，有人快活有人愁。富人摆宴吹箫管，穷人乞食在街头。有钱人家楼上叹，穷苦之人地下痞。

22）点虫虫

点虫虫，

虫虫飞，

飞到荔枝基。

荔枝熟，

摘满屋。

屋满红，

陪住个细蚊公。

23）猜呈沉

呈沉剪,呈沉包,

呈沉糯米叉烧包。

老鼠唔食香口胶,

要食豆沙包。

24）骑牛牛

骑牛牛，

牛牛走，

牛牛响前咪回头，

若然回头就打箩柚。

25）掟砖头

掟砖头,斗大够,

一掟掟到西门口,

溅起浪花抛浪头。

26）斗远

斗远掟石头，

因住咪甩手，

石头最冇眼，

掟亲唔好眼泪流。

27）咕碌咕碌

纸皮纸皮打纸皮,

上上下下左左右右前前后后,咕碌咕碌一,

咕碌咕碌二,

咕碌咕碌三,

准备开炮打敌人。

28）大食懒

大食懒,起身晏，

洗冷水,食冷饭。

29）阿公公

阿公仔,须扒扒,

你饮酒,我饮茶,

茶苦唔好食,

酒醉唔好饮,

我们快去外面玩泥沙。

30）醒目仔

我要做个好乖乖，