上海闲话顶脱了 新沪语童谣

上海闲话顶脱了新沪语童谣

上海闲话顶脱了，形神兼备蛮灵个；随便形容啥事体，语气腔调侪来事。

咸塔塔、甜咪咪，苦茵茵、酸叽叽；淡刮刮、辣蓬蓬，香喷喷、臭哄哄。

木噱噱、戆嗨嗨，急吼吼、笃姗姗；生碰碰、茄嗒嗒，嘲叽叽、鲜格格。

糊达达、烂糟糟，实敦敦、轻飘飘；老渣渣、干麸麸，小结结、胀鼓鼓。

胖墩墩、福嗒嗒，瘦剐剐、瘪塌塌；薄答答、厚笃笃，紧绷绷、松仆仆。

硬邦邦、软咚咚，慢悠悠、急匆匆；瞎来来、野豁豁，骚呼呼、花插插。

短局局、长幺幺，迷糊糊、浑淘淘；新簇簇、旧蛤蛤，寿噱噱，痴答答。

吓丝丝、抖索索，停怏怏、呆膊膊；清光光、水汤汤；乱轰轰、顺当当。

疲塌塌、死板板，滑腻腻、懒甩甩；毛乎乎、光溜溜，随弄弄、神兜兜。

上海闲话交交关，就从搿搭学起来；有讲呒讲口一开，阿拉伊拉侬也会！

·赖学精、白相精、书包掼辣屋头顶、看见先生难为情

·小三资，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边解裤子，拨拉红头阿三看见仔，拖到巡捕行里罚角子。

·山里有只庙，庙里有只缸，缸里有只碗，碗里有只蛋，蛋里有个小和尚，嗯呀嗯呀要吃绿豆汤。

·从前有只庙，庙里有棵树，树下有个老和尚，老和尚对小和尚讲故事：从前有只庙，……

·从前有座山，叫黄昆山；山浪有条路，叫叽哩咕噜；路边有只庙，叫莫名其妙；庙里有只缸，叫四大金刚；

身浪有把剑，叫看勿见；来了两个官，一个叫笔套管，一个叫痰盂罐；……

·山浪有只老虎，老虎要吃人，拿伊关辣笼子里。笼子坏脱，老虎逃脱，逃到南京，逃到北京，买包糖精，摆辣水里浸一浸，密西密西拉胡琴。

·啷啷啷，骑马到松江，摇摇摇，摇到外婆桥，外婆叫我好宝宝。月亮亮，家家小囡出来白相相……

·一箩麦，两箩麦，三箩开花拍大麦，劈劈拍，劈劈拍。

·本来要打千千万万记，现在辰光来不及，马马虎虎打十记，一、二、三、四……

·笃笃笃，卖糖粥，三斤蒲桃四斤壳。张家老伯伯辣辣坐，问侬讨只小花狗。

·小皮球，小小篮，落地开花二十一，二五六，二五七。二八二九三十一：三五六、三五七、三八三九四十一……

·一歇哭，一歇笑，两只眼睛开大炮。一开开到城隍庙，城隍老爷哈哈笑。

·赖学精，白相精。书包掼辣屋头顶，看见先生难为情!

·叫伊淘淘米，揿脱仔饭箩底；叫伊挽挽水，驳起屁股摸螺蛳；叫伊拔拔葱，登拉田里竖烟囱；叫伊纺纺纱，锭子头上开朵花；叫伊绣绣鞋，好像鸡脚赖；叫伊织织布，布机潭里撤推污；叫伊兜兜火，东家白话西家坐；叫伊捉捉花，偷是隔壁田里瓜。

·梁山头浪一只羊，远往松江粜米粮。大斗量来小斗卖，升箩投浪养爹娘。爹娘养我能长大，我养爹娘勿久长。·康铃康铃马来哉，隔壁大姐转来哉。啥个小菜？茭白炒虾，田鸡踏杀。老鸦告状，告拨文王；文王卖布，卖着姐夫；姐夫关门，关着苍蝇；苍蝇扒灰，扒着乌龟，乌龟拆屁，拆得满地。

·正月里来踢毽子，二月里来放鹞子，三月里向荠菜子，四月里向落花子，五月端午裹粽子，六月里向拍蚊子，七月棉花结铃子，八月里向吐瓜子，九月里收葵花子，十月里向造房子，十一月里切栗子，十二月里养个小儿子。·三三三，我们都是木头人，不许哭来不许笑，还有一个不许动。

·弟弟疲倦了，眼睛小；眼睛小，要睡觉。妈妈坐在摇篮边，把摇篮摇。盎盎我的小宝宝，安安稳稳睡一觉。今天睡得好，明天起得早，花园里去采葡萄。

·汤司令到，机关枪扫，热水瓶爆，癞蛤巴跳。

·我的一个臭屁，震动了大地。大地的人民，拿起了武器，赶走了美帝。

·同志们~~~捉牢伊~~~，投机倒把贩卖洋山芋。

百年童谣之最的《摇啊摇》，是从乡镇中来的，有三个不同版本：

第一首

摇啊摇，摇到外婆桥，外婆叫我好宝宝。糖一包，果一包，外婆买条鱼来烧。头勿熟，尾巴焦，盛在碗里吱吱叫，吃拉肚里豁虎跳。跳啊跳，一跳跳到卖鱼桥，宝宝乐得哈哈笑。

第二首

摇啊摇，摇到外婆桥，外婆叫我好宝宝。请吃糖，请吃糕，糖啊糕啊莫吃饱。少吃滋味多，多吃滋味少。

第三首

摇啊摇，摇到外婆桥，外婆叫我好宝宝，我叫外婆洋泡泡，外婆骂我小赤佬！

“大头大头，下雨不愁；人家有伞，我有大头”。

·笃笃笃，卖糖粥，三斤蒲桃四斤壳，切侬肉，还侬壳，张家老伯伯勒拉挖？勒拉嗨。问侬讨只小花狗。侬来拣一只。汪、汪、汪！

·三、三、三，山上有只木头人，不许讲话不许动！（看啥人动，动了就要接下去讲）

·本来要打千千万万记，现在辰光来不及，马马虎虎打十记。一、二、三、四、五，六、七、八、九、十。打了十记还不够，还要打三记。一、二、三。

·山上有只老虎，老虎要吃人，把伊关在笼子里。笼子坏忒，老虎逃脱，逃到南京。买包糖精，摆嘞水里浸一浸，美国赤佬拉（密西密西）拉胡琴，吭哩吭哩吭

·啷啷啷，啷啷啷，骑马到松江，松江老虎叫，别转马头落北跑。一跑跑到卖花桥，桥上有只鸟，飞到佘山上，山上有只庙。庙里有个小和尚，“嗯啊嗯啊”要吃绿豆汤，拨伲打一记，老老实实孵日旺。

·一歇哭，一歇笑，两只眼睛开大炮。一开开到城隍庙，城隍老爷哈哈笑。

·今朝礼拜三，上海来了个小瘪三。着末着件白衬衫，撑末撑顶黑阳伞。拖末拖双木拖板，跑末跑到凤凰山。凤凰山上

跌下来，屁股跌得粉粉碎。打只电话三零三，三零三医生猪头三。

·小三子，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边汰裤子，拨拉红头阿三看见仔，拖到巡捕房里罚角子。

·摇啊摇，摇啊摇，摇到外婆桥，外婆对我眯眯笑。买条鱼来烧烧伊，头勿熟，尾巴焦，盛勒碗里蹦蹦跳，猫吃仔，眯眯笑。狗吃仔，豁虎跳。

摇啊摇，摇啊摇，一摇摇到外婆桥，阿婆叫我好宝宝，娘舅给我吃块糕。

·冬瓜皮，西瓜皮，小姑娘赤膊老面皮。

·山浪有只庙，庙里有只缸，缸里有个小和尚，嗯呀嗯呀要吃绿豆汤。

·今朝礼拜三，我去买阳伞，落脱三角三，打只电话三零三，回去做瘪三。

·摇啊摇，摇啊摇，摇到外婆桥。外婆叫我好宝宝，一块馒头一块糕，吃仔就要跑。（版本2)

· 赖学精，白虱精。书包掼勒屋头顶，看见先生难为情。三十二只钉鞋钉，钉死钉杀钉勿进。

·从前有个老伯伯，年纪八十八。早浪头八点钟起来，乘八路电车，跑到八仙桥。买勒八碗八宝饭，一共享脱八十八块八角八。

·我来讲只故事，故事里向有只兔子。兔子跑了，故事完勒。

·长脚鹭鸶敲洋钉，敲来敲去敲勿进，原来是只螺丝钉。

·落雨喽，打烊喽，小八腊子开会喽。（叠只儿歌，小辰光乘风凉碰到落雨，就会呵斥呵斥拿勒躺椅边走边讲格）